URAVRØYSTINGA ER I GANG
20. juni blei partane samde om ein revisjon av Hovudtariffavtalen pr. 1. mai 2012. Avtalen er ikkje gjeldande før partane sine medlemmer har gitt si tilslutning. I KA skjer det gjennom ei uravrøysting. Informasjon om resultatet av tingingane og om uravrøystinga, ligg i KA-rundskriv 4/12. Røystinga skjer også i år elektronisk. Det elektroniske svarskjemaet ligg som vedlegg til rundskrivet.
Fristen for å røyste er sett til tysdag 21. august 2012 kl. 12:00.
KA rundskriv 4/12 her
SISTE INNSPURT FOR DEN STORE ARBEIDSMILJØUNDERSØKINGA
Arbeidsmiljøundersøkinga for alle tilsette i Den norske kyrkje vert avslutta sundag 1. juli. For å få til eit best mogleg resultat, er det viktig at flest mogleg tek seg tid til å svare. Om du er i målgruppa og ikkje har fått undersøkinga tilsendt, kan du sende ein e-post til: DNK.undersokelse@afi.no, så vil du få ho tilsendt.
Meir informasjon om undersøkinga her
KA ER IKKJE NØGD MED REFLEKSJONSDOKUMENTET
Meiner det gir eit fragmentert og ufullstendig biletet av ei mogleg framtidig kyrkjeordning. KA utfordrar høyringsinstansane til å gi heilskaplege svar. KA planlegg å gi sitt svar som brev, og publiserer det på nettsida si i midten av august.
Sjå omtale av refleksjonsdokumentet og fleire kommentarar på KA si heimeside.
Dei er henta frå KA-forum nr 3, som no er på veg ut med Posten.
LOKALE TINGINGAR - FØREBUING OG GJENNOMFØRING
12. september arrangerar KA kurs i Oslo om førebuing og gjennomføring av lokale tingingar.
(Det blir også sett opp tilsvarande kurs i Bergen og Trondheim. Dato og meir informasjon kjem om kort tid på www.ka.no/kurs.)
Informasjon om kurset i Oslo 12. september
HAUSTKONFERANSEN OM "Å FORME FRAMTIDAS KYRKJE"
Gå ikkje glipp av KA sin haustkonferanse. I år er temaet «Å forme framtidas kyrkje». Konferanse vert halden i Oslo 9.-11. september.
SOMMAROPNE KYRKJER – PLAKAT OG BROSJYRE
Fortel om dei sommaropne kyrkjene! KA har laga plakat og brosjyre som kan supplere lokal informasjon.
Du finn materiellet her.
GOD SMAK, DÅRLEG SMAK, KRISTEN SMAK
Landskonferanse kultur i Drammen 31. oktober til 1. september
Om visuell kunst i kyrkja
Les meir om landskonferansen og andre kyrkjelege kulturtiltak
SISTE FØR SOMMAREN
Desse e-postane frå KA kvar veke, tek pause i sommarferien – dvs. heile juli og til og med veke 32.
KA er likevel ikkje stengt, sjølv om det i periodar er færre på jobb enn vanleg, på grunn av ferieavvikling.
KA ynskjer alle sine medlemmer – og andre e-postvener – ein kjekke sommar!
|
